5thebest

5 ta eng yaxshi dasturlash tillari (Dastlabki o’rganuvchilar uchun)

5thebest

Agar dasturlash tillarini o’rganishni o’ylayotgan bo’lsangiz, siz tanlamoqchi bo’lgan birinchi til nimani o’rganmoqchi ekanligingiz, bu qobiliyat bilan nima qilmoqchi ekanligingiz va natijada nimalarga erishmoqchi ekanligingizga ko’p jihattan bog’liq. Shunday bo’lsada, ba’zi tillarni boshqalari orasidan tanlab olishi osonroq, chunki ularni o’rgannish uchun manbalar ko’p yoki ularni o’rgansangiz foydaliroq ko’nikmalarga ega bo’lishingiz mumkin. Quyida Lifehacker sayti tomonidan o’tkazilgan so’rovnoma natijalariga ko’ra eng yaxshi beshtasini keltirib o’tamiz.

Shuni aytib o’tish kerakki – dasturlashni o’rganishga qaror qilgan bo’lsangiz biz avval qaysi tilni o’rganish masalasini mutlaq hal qilmoqchi emasmiz. Har kim o’z fikriga ega va tilni o’rganish uchun sabablardan kelib chiqib bu tillarning hech biri sizga mos kelmasligi ham mumkin. Bu yerda eng mashhur nominantlar ro’yhati keltirilgan.

Java

Oracle korporatsiytasining Java dasturlash tili veb sohasida uzoq vaqtdan beri foydalanib kelinaytogan, barqaror va kuchli tillardan biri. Siz Javani veb yoki veb bo’lmagan “application”larning asosida, barcha platformalar, operatsion tizimlar va qurilmalarda topishingiz mumkin. U chuqur darajada klasslarga asoslanga (class-based), obyektga yo’naltirilgan (object-oriented) dasturlash tili bo’lib imkoni boricha oson ko’chirib yurishga va ko’plab platformalarda ishlashga moslashtirilgan. Shu sababli, u dunyodagi eng mashxur dasturlash tillaridan biri. Agar dasturlashni o’rganishga qiziqsangiz uni o’rganish juda ham foydali.

Java eng mukammal dasturlash tili emas, shuning uchun ko’pchilik kurslar C va C++ dan boshlanadi, chunki Java ko’p sintaksislarni ana o’sha oldingi tillardan oladi. Java sizni dasturchilardek o’ylashga undaydi – mantiqiy va tahliliy fikrlash, komputer axborotni qanday qilib qayta ishlashini yaxshi tushunishga o’rgatadi. U boshqa tillar va texnologiyalarga o’tganingizda ham sizga yordan beradigan asosiy konsepsiyalarning fundamental to’plami hisoblanadi.

Ruby

Ruby dinamik, ochiq kodli (open-sorce), obyektga yo’naltirilgan dasturlash tili bo’lib, 90-yillarda kompyuter olimi Yukihiro Matsumoto tomonidan ishlab chiqilgan eng yosh tillardan biri hisoblanadi. Bu tilda o’qish va yozish uchun sodda sintaksisdan foydalanilgan, juda ko’p buyruqlarni o’rganib chiqish shart emas. Shuning hisobiga, bu tilni o’rganish nisbatan oson. Tilning o’zi obyektga yo’naltirilgan bo’lsada, protsedurali, funksional va imperativ dasturlashni ta’minlashligi bu tilni juda ham tez moslashuvchi tillardan qiladi.

Ruby nisbatan oson o’zlashtirilishi bilan dong taratgan, chamasi 20 minutlik foydalanuvchi uchun yo’riqnomadan (bu tilning rasmiy veb saytidan topishingiz mumkin) ba’zi asoslarini juda qisqa muddat ichida tanishib chiqishingiz mumkin. Perl va Pitonning ishqibozlari mavjud ba’zi o’xshashliklarni topadilar. Bu tilga ovoz berganlar uni tushunish va o’rganish, kerak bo’lganda o’qish osonligini va bu tilning muvaffaqiyatiga sabab bo’lgan yirik, faol hamda jo’shqin dasturchilar jamiyatiga egaligini maqtashadi.

Piton (Python)

Odamlar birinchi dasturlash tillari va qaysi tilni tanlash odamlar uchun osonligini muhokama qilganda, albatta Pitonga to’xtaladilar. U 80-yillarda Gvido van Rossum (Guido van Rossum) tomonidan ishlab chiqilgan. U keyinchalik tilni hozirgi kunda tilning administratori hisoblangan notijoriy Piton Softveir Foundeyshinga (Python Software Foundation) bergan, tilning o’zi esa ochiq-kodli va foydalanish uchun bepul, hottoki tijoriy dasturlar uchun ham. Piton odatda dasturchilarni qisqa vaqtda ko’p miqdorda oson o’qiladigan va funksional kodlarni yozishini ta’minlaydigan skript til sifatitida foydalaniladi, biroq u dinamik, hamda obyektga yo’naltirilgan, protsedurali va funksional dasturlashni ham ta’minlaydi. Tez moslashuvchanligi hisobiga, Piton bugungi kunda yuqori darajada keng qo’llaniladigan dasturlash tillaridan biri hisoblanadi.

(davomi bor)

manba: lifehacker.com

Iskandar Ashurov.

(2,654 marta o'qilgan, bugun 1 marta o'qildi)

O'xshash maqolalar:

  • murod

    maqolalarni hammasi yaxshi! faqat biror bir proyekt asosida biror kurs yoki kitobmi nimadir tayyorlash dasturlashga bo’lgan qiziqishni yanada ortiradi!