computer-speed

Kompyuter tez ishga tushishi uchun 5 oddiy chora

Fix-slow-computer

Ba’zi filmlarda kompyuterning super qobiliyatlarini ko’rib hayratdan yoqa ushlaysan kishi. Bir zumda sun’iy ongdan tortib radar, muloqot vositasiyu, uchishni nazorat qilish va muvofiqlashtiruvchi tizimlargacha go’yoki hammasi-birda hamohang ishlaydi, eng qizig’i uchgacha sanamasingizdan hammasi yonib, ishga shay turadi.

Bu qurilma ostida qaysi chip ishlayotganini bilmadimu, lekin mendan bitta buyurtma qabul qilib oling degingiz keladi. Real dunyo sharoitida esa, kompyuterlar ishga kirish uchun bir daqiqadan besh daqiqagacha vaqt oladi.

Shunday bo’lsa ham, bu degani kompyuteringiz albatta shunchalar sekin ishlashi kerak degani emas. Darhaqiqat, kompyuteringiz ishga tushish tezligini oshirishning bir nechta oson yo’llari mavjud. Harqalay endi kompyuteringiz yongunicha “kalendarim qatta edi” demasligingizni umid qilamiz.

1. Startdagi omillarni tartiblash

Keling avval nega kompyuterlar sekin ishga tushishiga va vaqt o’tgani sari yanada sekin ishlay boshlashiga qiziqib ko’raylik.

Qachonki uskunangizni qayta yoqqaningizda, ma’lumotni sekin bo’lgan qattiq xotiradan – anchagina tezroq bo’lgan RAM(operativka) ga o’tkazish jarayoni ishga tushadi. Kompyuteringiz ko’chirishi kerak bo’lgan ma’lumot qancha ko’p bo’lsa, uning yonishiga shuncha ko’p vaqt ketadi. Bundan chiqdi, hamma gap ko’chirilishi lozim bo’lgan xabar miqdorini kamaytirishda.

Buning eng zo’r usuli kompyuteringiz ishlashi uchun juda zarur bo’lmagan dasturlarni to’xtatish demakdir. Siz o’rnatadigan ba’zi dasturlar o’zicha “men darrov ishga tushmasam bo’lmaydi” deb turib olishadi. Shunga o’xshash dasturlar bilan bechora kompyuteringizni qancha to’ldirsangiz, uning ishga tushish tezligi shuncha pasayib boraveradi.

Ushbu dasturlarni o’zboshimcha ishga tushishidan to’xtatish uchun quyida amalni bajaring:  Start>>All Programs>>Startup. Bu papkada barcha dasturlar kompyuteringiz ishga tushish paytida yoqiladi. Ular sizning manbalaringizdan foydalanmasliklari uchun kerak bo’lmagan dastur belgilarini papkadan o’chirib tashlash mumkin.

E’tibor bering: Ushbu Startup papkasidagi dasturlarni o’chirish degani ularni kompyuteringizdan o’chirish degani emas. Shunday ekan, hattoki biron muhim narsani u yerdan o’chirib yuborsangiz ham, hech qanday tartibsizlikka yoki muammoga uchramaysiz.

Birlamchi ishga tushuvchi dasturlar joylashgan joy faqat shu yerdagina emas. Qolganlarini Autorun kabi dasturlar orqali topsangiz bo’ladi.

Autorun’lar har bir dastur nima ish qilishini aytib turadi va zaruriy dasturlar masalan, xavfsizlik dasturingizni o’chirib yubormaslik ehtiyotini ham ko’rib qo’ygan. Ishonavering kompyuteringiz tezroq ishga tushishi uchun bularni yaxshi bilsangiz arziydi.

2. Manbalar band etilishini sekinlashtiring

Shunday dasturlar borki, siz ularni kompyuter ishga tushgan vaqtda yonishini lekin, yongan vaqtda ishga tushmasligini xohlashingiz mumkin.

Startup Delayer va TopWinPrio kabi dasturlar qolgan dasturlarni birdagina emas, balki birma bir ishga tushiradi. Bular har bir individual dasturni tez ishga tushirmaydi, lekin tizimingizga kelayotgan bosimni kamaytirib, uni sizga quloq soldiradi.

3. Viruslarni o’chirib tashlang

Ishlashini aniq istamaydigan dasturlaringizdan biri bu virusdir. Virus nafaqat kompyuter yonishini pasaytiradi, balki ma’lumotingizni o’g’irlash, kompyuteringizni buzish va hokazolarni keltirib chiqarishi mumkin.

Xavfsizlik dasturlarini ishlatishni unutmang. Agar virus allaqachon tushib bo’lgan bo’lsa, Malwarebytes nomli dasturdan foydalanib ko’ring. Shunda ham foyda bermasa AVG Rescue CD variantini ishga soling. (Antivirus’lar haqida alohida maqola yozib o’tganmiz.)

4. SSD o’rnating

Yuqorida aytganimizdek, kompyuter ishga tushishi sekinlashuvi ishlashi sekin bo’lgan qattiq xotiradan RAMga ko’chirilayotgan ma’lumotlar sababidan. Ma’lumotlarni tartiblash muammo hal etishning bir yo’li bo’lsa, boshqa yo’li tezligi yuqoriroq bo’lgan qattiq xotira sotib olish.

Ananaviy kompyuter qattiq diskidan farqli o’laroq, SSD (solid-state drive inglizcha) anchagina tezroq va ishonchliroq. Baxtga qarshi u hajmi ancha kichikroq va o’zi qimmatroq.

Agar yangi kompyuter harid qilayotgan bo’lsangiz, ko’plar hozirda SSD’larni qo’shimcha taklif sifatida kiritmoqda. Doimo band kishilar va o’ta yorqin tezlikka shinavandalar uchun o’ylab ko’rsa bo’ladigan taklif. Windows 8 yuritayotgan kompyuter SSD bilan bor yo’g’i 10 sekundda yoqiladi – ana endi deyarli ancha yuqori tezlik.

5. Yoki umuman o’chirmang

Ha tushanimiz bu variant o’ta sodda, lekin kompyuteringizni ishdan bo’sh vaqtda o’chiring degan jiddiy sabab yo’qku.

Kompyuteringizni yoniq holda saqlash bu uning doim ishga shayligini bildiradi. Agar elektr quvvatini saqlamoqchi bo’lsangiz, “uyquga ketish (sleep)” yoki “gibernatsiya (hibernate)” holatini qo’llang.

Agarda Windows 8’da ishlatayotgan bo’lsangiz, bu haqida qayg’urishingiz shart emas. Windows 8 har doim o’chirganingizda “uyquga ketish” uslubini ishga soladi. Shuning uchun ham u Windows 7 va Vista kompyuterlaridan tez yonish bo’yicha ustun turadi.

Manba: komando.com

Abdulaziz Qodirov tarjimasi.

 

(1,743 marta o'qilgan, bugun 1 marta o'qildi)

O'xshash maqolalar: